திருவள்ளுவர் வேடம் - ரஜினியின் கனவு

Last Updated :

இயக்குநர் எஸ்.பி.முத்துராமனுடன் இன்றும் நெருக்கமாக இருக்கிறார் ரஜினி. ரஜினிக்காக முத்துராமன் இயக்கிய 25 படங்களில் 7 படங்களை ஏ.வி.எம். நிறுவனம் தயாரித்து இருக்கிறது. பொங்கல், தீபாவளி உள்ளிட்ட விழா நாள்களில் எஸ்.பி.முத்துராமனுடன் பொழுதைக் கழிக்க விருப்பப்படுவார் ரஜினி.
வீட்டில் இருக்கும் நேரங்களில் "ஓம்' என்ற மந்திர பாடல் ஒலிக்குமாறு பார்த்துக் கொள்வார்.
கோடை காலத்தில் ராகவேந்திரா மண்டப வாசலில் மோர் மற்றும் ஐஸ் வாட்டர் கொடுக்க ஏற்பாடு செய்து விடுவார். ராகவேந்திரா மண்டபம் கட்டி இரண்டு வருடங்களுக்கு பின் தொடங்கப்பட்ட இந்த நடைமுறை இப்போதும் கடைப்பிடிக்கப்பட்டு வருகிறது.
திருவள்ளுவர் வேடம்தான் ரஜினியின் சினிமா உலக கனவு. இப்போதும் அந்த வேடத்துக்கு ரெடியாக இருக்கிறார்.
படப்பிடிப்பு தளத்தில் கேரவனில் தங்கி ஒய்வெடுப்பதை ரஜினி விரும்ப மாட்டார். தொழிலாளியின் துண்டை வாங்கிப் போட்டு செட்டிலேயே குட்டி தூக்கம் போடுவது அவருக்குப் பிடித்தமானது.
GIF animations generator gifup.com