ஐரோப்பாவிலிருந்து அஜீத் போன்

அல்டிமேட் ஸ்டாரின் மல்டி லெவல் உற்சாகத்திற்கு மற்றுமொரு உதாரணம் இது. ஃபார்முலா 2 கார் ரேசுக்காக ஐரோப்பாவில் இருக்கும் அஜீத் அங்கிருந்தபடியே ஒரு இயக்குனரிடம் பேசி, எனக்காக ஒரு கதை பண்ணி வைங்க. வந்து கேட்கிறேன் என்று கூறியிருக்கிறாராம். வெற்றி வந்தா போதும். சுற்றி வர்றது சூரியனா கூட இருக்கலாம் என்பதற்கு இதுவே சிறந்த எக்ஸாம்ப்பிள் அல்லவா? அஜீத் பேசிய அந்த வெற்றி இயக்குனர் வெற்றி மாறனேதான்! தனுஷ் படத்தை முடித்துவிட்டு சிம்பு படத்திற்கு அரிவாள் தீட்டிக் கொண்டிருக்கும் மாறனுக்கு இந்த போன் கால், புத்துணர்ச்சியை தந்திருக்கிறது. இது ஒருபுறம் இருக்கட்டும்...  வருகிற மே முதல் தேதி அஜீத்தின் பிறந்த நாளாச்சே! அதை கொண்டாட ஐரோப்பாவிலிருந்து சென்னைக்கு வர முடிவெடுத்திருக்கிறாராம். ஆனால் எரிமலை வெடித்து விமானங்கள் எல்லாம் முடங்கிப் போயிருப்பதால் இந்த பயணம் இறக்கை விரிக்குமா என்பதுதான் இந்த நிமிடம் வரைக்குமான சந்தேகம். ஹீரோவுக்கு பில்டப் கொடுப்பதாக நினைக்கும் தமிழ்ப்பட இயக்குனர்கள் அவர் நடந்து வரும்போது பின்னணியில் எரிமலை வெடிப்பதாகவெல்லாம் கிராபிக்ஸ் பண்ணுவார்கள். அஜீத் போயிருக்கிற இடத்தில் இப்போது நிஜமாகவே எரிமலை! அந்த இயற்கைக்கே பொறுக்கல போலிருக்கு.

GIF animations generator gifup.com