-தமன்னாவின் சென்ட்டிமென்ட்

ஏமாத்துறத தவிர எதை வேணும்னாலும் மாத்தட்டும். அது ஒரு விஷயமா என்று அலுத்துக் கொள்கிற ஆட்களுக்கு கூட இந்த செய்தி கொஞ்சம் இனிப்பாக இருக்கலாம். ஏனென்றால் இது தமன்னா நியூஸ்! ஆரம்பகால தமன்னா அவ்வளவு அழகில்லை என்றவர்கள் கூட பையாவில் அவரை நனைய நனைய பார்த்த பின்பு, நனைந்து ஈரமாகிக் கிடக்கிறார்கள். அங்கங்கே முளைக்கும் தமன்னா ரசிகர் மன்றங்கள் சற்றே உணர்ச்சிவசப்பட்டு கோவிலாக மாறினாலும் (நம்ம ஊரில்) ஆச்சர்யமில்லை. இந்த வெற்றியெல்லாம் எப்படி வந்திச்சாம்? தமன்னாவுக்கு நெருக்கமான வட்டாரங்களில் விசாரித்தால், குறுக்கு சந்தில் புகுந்து வாய்ப்பு பெற்ற ஸ்டோரியை சொல்வார்கள் என்றுதானே தோன்றும்? அதுதான் இல்லை. இது நியூமராலஜி வித்தை என்கிறார்கள் ஏறுக்கு மாறாக! எப்படியாம்? முன்பெல்லாம் thamana என்றுதான் கையெழுத்திடுவாராம். இப்போது அதை மாற்றி thamannaa என்று எழுத ஆரம்பித்திருக்கிறார். ஒரு பெயரியல் மாமேதை கொடுத்த அட்வைஸ்தான் இது என்கிறார்கள். பெயரில் அடிஷனலாக சேர்ந்திருக்கும் சில  'a' க்கள் கவர்ச்சிக்கான குறியீடு என்பதாகவும் கொள்ளலாம்!

GIF animations generator gifup.com