பாடக சாலை விமர்சனம்...

காதலால் இரண்டாக பிரிந்த ஊரை இன்னொரு காதலால் சேர்த்து வைக்க போராடும் இளைஞர்கள் கதை...

ஜாதி மாறி காதலித்த ஜோடி கத்தப்பட்டு கிராமத்தை விட்டு ஓடுகிறது. இதனால் அங்கு மோதல் உருவாகி கீழ் கத்தப்பட்டு, மேல் கத்தப்பட்டு என இரண்டாக ஊர் பிரிகிறது. இரு ஊர்க்காரர்களும் பகை காட்டுகின்றனர்.

இரு ஊர் இளைஞர்களும் ஊரை ஒன்று சேர்க்க முயற்சிக்கின்றனர். அப்போது ஓடிப்போன காதல் ஜோடி மகள் அதே ஊருக்கு வருகிறார். அவளை வைத்தும் காதல் பிரச்சினையால் நின்று போன கபடி போட்டியை மீண்டும் ஆரம்பித்தும் இரு ஊரையும் ஒன்று சேர்க்க முயற்சிக்கின்றனர். நாயகிக்கு இரு ஊரிலும் முறை மாப்பிள்ளை இருப்பதும் அவர்கள் இருவருமே காதல் தூது விடுவதும் மீண்டும் பகை வளரச்செய்கிறது. ஊரார் எப்படி இணைகிறார்கள் என்பது கிளைமாக்ஸ்.

அரவிந்த், சத்யா என இரு புது நாயகர்கள். இதில் அரவிந்துக்கு அழுத்தமான பாத்திரம். நாயகியாக வரும் ஸ்ருதி அழகு காட்டுகிறார். காதலை கருவாக வைத்து ஊர் பகையையும் உறவையும் காட்சி களாக்கியுள்ளார் இயக்குனர் தமிழ்ஜெ. காதல், தகராறு கபடி போட்டிகள் விறுவிறுப்பில்லாமல் நகர்கின்றன. சஞ்சய் வில்லத்தனத்தில் மிரட்டுகிறார். ஹித்தேஷ் இசையில் பாடல் இனிமை.

கல்லூரி கேண்டின் ஓனர் போன்டா மணி, சைக்கிளுக்கு டிரைவர் வைத்து ஊரை சுற்றும் அரசியல்வாதி. சிசர் மனோகர் சிரிக்க வைக்கின்றனர். ப்ரீத்தி புஸ்பன், ஷிவானந்தம், சுசிரத்னம் போன்றோரும் உள்ளனர்.

GIF animations generator gifup.com