"மகிழ்ச்சி" திரைப்படத்தில் பூமி அதிர்ச்சி,சுனாமி

நீல பத்மனாபன் எழுதிய `தலைமுறை' நாவல், `மகிழ்ச்சி' என்ற பெயரில் படமாகி வருகிறது. இந்த படத்தில் டைரக்டர்கள் கவுதமன்-சீமான் இணைந்து நடிக்கிறார்கள்.

அண்ணன்-தம்பி பாசம், நண்பர்களின் நட்பு, காதல், நகைச்சுவை கலந்த கதை இது. கதையின் நாயகிகளாக அஞ்சலி, கார்த்திகா நடிக்கிறார்கள். படப்பிடிப்பு நாகர்கோவில், இரணியல் பகுதிகளில் 45 நாட்கள் நடைபெற்றது. பெரும்பகுதி படப்பிடிப்பு அங்கேயே முடிவடைந்தது.

இந்த கதையில், 13-ம் நூற்றாண்டில் பூமி அதிர்ச்சியாலும், சுனாமியாலும் காவிரிப்பூம்பட்டினம் அழிவது போல் ஒரு காட்சி இடம்பெறுகிறது. உயர் தொழில்நுட்ப கலைஞர்களின் உதவியுடன் இந்த காட்சியை படமாக்க திட்டமிட்டு இருக்கிறார்கள்.

படத்தின் திரைக்கதை-வசனம் எழுதி டைரக்டு செய்வதுடன், கதையின் நாயகனாகவும் நடிக்கிறார். கவுதமன். கவிஞர் வைரமுத்து, அறிவுமதி, பச்சையப்பன் ஆகியோர் பாடல்களை எழுத, வித்யாசாகர் இசையமைக்கிறார். த.மணிவண்ணனின் அதிர்வு திரைப்பட்டறை தயாரிக்கிறது.
GIF animations generator gifup.com