இன்றைய போட்டியில் கங்குலி பங்கேற்பாரா?

கங்குலிக்கு காயம் ஏற்பட்டு இருப்பதால் இன்று ஆடுவாரா? என்ற சந்தேகம் அருவடைய ரசிகர்களிடையே ஏற்பட்டு உள்ளது.

கடந்த 7 ந் தேதி டெல்லி கொல்கத்தா அணிகள் இடையே நடந்த போட்டியின்போது கொல்கத்தா கேப்டன் கங்குலி 56 ரன்கள் எடுத்து அந்த அணியை வெற்றி பெற செய்தார். அவருக்கு ஆட்ட நாயகன் விருது கிடைத்தது.

ஆனால் இன்று பெங்களூர் அணியுடன் நடக்கும் ஆட்டத்தில் அவர் ஆடுவாரா? என்பதில் சந்தேகம் ஏற்பட்டுள்ளது.

டெல்லி அணியுடன் நடந்த போட்டியின்போது அவரது வலது கனுக்காலில் காயம் ஏற்பட்டது. இதனால் அதிக வலி ஏற்பட்டுள்ளது. இதற்காக சிகிச்சை எடுத்துக் கொண்டார். ஆனாலும் இன்னும் வலி அப்படியே உள்ளது.

இருந்தாலும் இன்றைய போட்டியில் ஆட வேண்டும் என்ற திட்டத்தில் இருக்கிறார். டாக்டர்கள் அவரது காலை பரிசோதிக்க உள்ளனர். அதன்பிறகே அவர் ஆடுவாரா? இல்லையா? என்பது தெரியவரும்.

கங்குலி ஆடாவிட்டால் கொல்கத்தா அணிக்கு அது பெரும் பின்னடைவாக அமைந்து விடும்.

GIF animations generator gifup.com