மலையாளப் படத்தில் பாடகராக நடிக்கும் அமர்சிங்

சமாஜ்வாடிக் கட்சியிலிருந்து துரத்தப்பட்டு, வேறு கட்சியினரால் சீண்டப்படாமல் ஓரம் கட்டப்பட்டுள்ள அமர்சிங் இப்போது நடிக்கக் கிளம்பிவிட்டார்.

பாம்பே மிட்டாய் என்ற படத்தில் இந்துஸ்தானி பாடகராக நடிக்கிறாராம் அமர் சிங் . இந்தப் படத்தில் இந்தி நடிகை டிம்பிள் கபாடியாவும் முக்கியப் பாத்திரத்தில் நடிக்கிறார்.

இப்படத்தின் ஷூட்டிங் இன்று தொடங்கியது. இலங்கை வட கிழக்கு மாகாண முன்னாள் முதல்வரான வரதராஜ பெருமாளின் மகளும், நடிகையும், நடனக்காரருமான நீலாம்பரி பெருமாள் இப்படத்தில் முக்கிய வேடத்தில் நடிக்கிறாராம்.

நடிப்பது குறித்து அமர்சிங் கூறுகையில், நடிக்க வந்து விட்டதால் உடனே அமிதாப் பச்சன், ஷாருக் கான் ரேஞ்சுக்கு என்னை நான் நினைத்துக் கொள்ளவில்லை.

எனது எல்லை என்ன என்று தெரியும். முட்டாள்களின் சொர்க்கத்தில் வாழ நான் ஆசைப்படவில்லை. எல்லோருக்கும் ஒரு எல்லை உண்டு. எல்லோராலும் அமர் சிங் இடத்திற்கு வந்து விட முடியாது. எனக்கும் அது போலத்தான்.

டிம்பிள் கபாடியா எனது மனைவியாக நடிக்கிறார். அது மகிழ்ச்சி தருகிறது என்றார் அமர்சிங்.
GIF animations generator gifup.com