'முன் தினம் பார்த்தேன். மறுதினம் காணோமே'

'முன் தினம் பார்த்தேன். மறுதினம் காணோமே' என்கிற அளவுக்கு ஆகிவிட்டது முன்தினம் பார்த்தேனே என்ற படத்தின் ரிசல்ட்! கவுதம் மேனனின் அசோசியேட் மகிழ் திருமேனி இயக்கியிருந்த இந்த படம் அவ்வளவு மோசமில்லை என்கிறார்கள் பார்த்தவர்கள். பத்திரிகைகளும் தன் பங்குக்கு சில சிட்டிகை சர்க்கரையை அள்ளிப் போட்டது விமர்சனத்தில். ஆனாலும் வந்த வேகத்தில் தியேட்டரிலிருந்து பறந்துவிட்டது படம். ஒரு பக்க தோசையாவது முறுகலா இருக்கட்டும்னு நினைச்சாரோ என்னவோ, படத்தை தெலுங்குக்கு கொண்டு போக முடிவெடுத்திருக்கிறாராம் இப்படத்தின் தயாரிப்பாளர் செவன்த் சேனல் நாராயணன். தமிழ்லேயே ததிங்கிணத்தோம். போட்ட பணத்தில கால்வாசி கூட திரும்பல. இதில தெலுங்குக்கு வேற செலவு செய்யணுமா என்று மனசை கலைக்க முயல்கிறார்களாம் சிலர். ஆனாலும் நினைச்சா நினைச்சதுதான் என்கிறாராம் நாராயணன். தமிழில் மொக்கையான பல படங்களை ஓட வைத்த பெருமை ஆந்திர ரசிகர்களுக்கு உண்டு. அப்படியாவது இந்த படத்திற்காக போட்ட பணத்தை திருப்பி எடுத்தால் சந்தோஷம்தான்

GIF animations generator gifup.com